بقلم فرح هشام




كام حد فينا بيمر بتفكير كبير يمكن في كل كلمه بتتقاله او في كل موقف بيحصله على مدار يومه كتير مننا من النوع المريض بمرض التفكير اللي ممكن يخليه يعمل من موقف صغير مشكله كبير وكل دا في تخايلاته لا مش كدا وبس دا كمان ممكن يقعد يتخيل الموقف و يتوقعله ردود و يدايق على هذا الاساس..

مرض التفكير بيكون حالة نفسيه وغالبا سببها انك مريت بأكتر من موقف حسيت فيه انك اتظلمت ومأخدتش حقك كويس او مثلا سببه انك الموقف او الشخص الي سمعت منه كلمة فارق معاك جدا وحسيت انك خرجت منه مش راضي عن ردك او فعلك ساعتها..




كتر التفكير غالبا مش بيتعب حد غير صاحبه في اي موقف من المواقف ولكن خلينا نفهم ازاي نقدر نتعامل مع الموضوع دا ونبطل نتخيل ونفكر في حاجات بتدايقنا او بتتعبنا..

غالبا افضل حل للموضوع دا هو اننا نشغل وقتنا او نهلك نفسنا في الشغل او الدراسة او الرياضة او مع العيلة او الصحاب ف ميبقاش في مجال للفراغ والتفكير..

غير اننا ممكن نفكر في حاجات ايجابية اكتر من السلبيات اللي ممكن تأثر على نفسيتنا زياده عن اللزوم..

اللامبالاة فعلا اسلوب حياة و خصوصا لو قدرت تنفذها ولكن انت لو شخص عصبي و بتاخد كل حاجة على اعصابك و تفكر فيها.. صدقني محدش هيتعب غيرك وباردو مش هتستفاد حاجة لان التفكير دا كله سيناريو بيحصل في عقلك بيأثر على نفسيتك انت وبس ومفيش اي حد هيحس بيك بل بالعكس انت ممكن تحب ناس وتكره ناس و تاخد قرارات على اساس تفكير ملوش وجود اصلا غير في عقلك انت وبس او تخيل لموقف.