بقلم : زينب عزوز “رفيقة الروح”




دمعة عيني
من ظلمك ليا
نزلت ومسمتش عليا
ليه بتيجي عليا
ليه مصر إنك تكسرني
وبكل شيء بتقهرني
لأ يا زمن مش بنكسر
ولا دمع عيني تنقهر
فوق بقي وأسمع مني
انا صامدة وكمان قوية
ومن كل صدمة محمية
راجع ليه يا زمن تعيد
اللي كان




دا راح لحاله من زمان
الدمع دا مش لينا
ولا شفقة وعطف علينا
الضحكة دى اتكتبت لينا
اضحك للدنيا تضحكلك
واوعاك تخلي للدمع مكان
روحك هتنور فسقيها من ضحكة قلبك
سجل يا زمان انا اللي قوي ومش خسران
ربي وهيفضل جنبي
ودا سر وجودي علي الارض
ليه تتعجب
ليه تتفأجي
من كل الحلو اللي في دنيتي
ما هو ربك دايما رازق
حتي الضحكة دي رزق كبير
بتنور وشك من غير تفكير
ربك دايما معطاء
وكمان حبب خلقه فيك
ودي نعمة عظيمة
أسألني عليها
هقولك ان حب الناس
من غير مصلحة
دا حب كبير
من غير تفسير
وتعالي أسالني عن صاحب جدع
وقت الشدة بيكونلك سند
ويغطي ضهرك من الوجع
لو بعدت المسافات
ارواحكم تتلاقي
صاحب مايهملش
ولا بيغش ولا بيذل
بيكون معايا في وقت ضعفي
وفي شدتي بيكون فاضلي
يااللي انت ليك صاحب جدع
غمض عنيك واقفل عليه.