بقلم : تقوي مجدي

“احيانآ يقولون المصائب لا تأتي فردي”،

لكل من يمر بأيام صعبه، لكل من يحس أن كل يوم أطول من التاني من كثره المشاكل، في بعض الأوقات ،تحس أن اللي بيحصل هو امتحان لصبرك ولقوة تحملك.
احيانآ تحس أنك في كابوس طويل مبتخرجش منه؛ من أول ما تفتح عينك الصبح لأخر يومك قبل متنام، احيانآ بتحس بخنقه وكأن هموم الدنيا كلها فيك وكأن الدنيا بتفرد قوتها عليك وبتاخد منك بكل ما فيك من طاقه، وقوة، وأمل.
إلى كل من يمر بهذه الأوقات، كتير اوي بيستسلم لحالته.. ولكن بقولك هونها لأن كتر ما بتقسي على نفسك بتزود الوضع من قسى وهم، وكتر ما تاعب نفسك من تفكير وشك محدش بيتعب غيرك أنت، خلي بالك من نفسك من الانهيار؛ ربنا بيحفظك احيانآ من مشاكل وشر كتير كان ممكن يصيبك وانت مفكر أن هو اذي ليك، واحيانآ بيخليك تكتشف ناس يتساوى أنك تقدملهم عيونك لأن في أصعب مراحل حياتك وأصعب انهيار نفسي يمر عليك بيتحملوك ويقفوا معاك في اكتر وقت حاسس ان الدنيا مفيهاش اي حاجه تفرحك
“لا بأس بقليلا من البكاء، ولا بأس بقليلآ من الحزن”
افتكر دايمآ انها شده وبتزول وافتكر دايمآ أن مهما كانت المشاكل ومهما كانت حجمها أنها موقف وهيعدي.. وافتكر أن “المشاكل وجدت لكي نعرف طعم الهنا وراحه البال والفرحه”
ولو استمر الحزن في حياتنا مش هنعرف معنى الفرحه.
الحياه صعبه على الكل وأنا معاك ان في مشاكل كتير بتوجهنا بتكون أكبر من طاقه تحملنا ولكن لما تعدي مرحله ظنيت أنك لايمكن تعديها وعدتها شوف هتكون فخور بنفسك ازاي.
صح تصرفنا تصرفات لا تليق على تربيتنا، وصح تكلمنا بطريقه لا تناسب مستوانا، وصح اتعرفنا على ناس ودخلنهم حياتنا ولا كانو زينا سلوكيآ ولا اخلاقيآ، صح غلطنا كتير، ولكن تذكر دايمآ (أن الله غفور رحيم) افتكر دايمآ أن زي ما كل فتره حلوه بتخلص كمان في فتره صعبه بتخلص وبتعدي وبتتنسي، وإذا عديت من مرحله صعبه تأكد أنك هتعدي الأصعب والأصعب منها.
شوف مين وراك وفضهرك ومعاك، مين أتحملك في أصعب حالاتك، شوف مين قدر يقلب مزاجك من حزن وغم لفرحه وسعاده شوف مين حواليك يستحقوا أنك تتمسك بيهم.
إلى كل من يروا أن يومهم مبيخلص والثواني أطول من الدقائق، كل حاجه بتروح وبترجع وأن الله يبدله بأحسن منه وعلى قدر الحزن وعمقه على قدر الفرحة والبهجه اللي هتجيلك، وعلى قدر الصبر اللي صبرته على قدر أن ربنا هيبعتلك خير على كل الصبر اللي صبرته طول حياتك..
احسن الظن بالله وقرب من الله، وانتظم في صلاتك، وادعي كتير وربنا يرزقني وإياكم الفرحه والسعاده من حيث لا نعلم.