بقلم: إسلام حسين

أنتى زيك زى غيرك
يمكن هما عندى أهم
يوم ما مشيت فطريقك
كرهت ناس ملهاش ذنب
كل ذنبى أنى طاوعتك
وسهرت ف حضنك ليالى
فرجعت لعقلى وسبتك
فجأة بقى حبك خيالى
القلوب من العتمه ماتت
والعقول من الصدمه وقفت
والنهايه لما بانت
كل الناس شافت وعرفت
السر فى عشقى لكيانك
كان أختيارى مش إختيارك
بس يبقى العيب فلسانك
لما أشوف منك هزارك
يبقى لازم أشوف وأرسى
وأهرب وأسيب سفينتك
بكره حبك يبقى كارثه
وهبقى ضحية خطيئتك
أنتى عارفه إنى طيب
أو قريب بس هادى
إنتى هتبقى راضيه طيب
إنك تكونى أم لولادى ؟!!
صدقينى دى الحقيقه
لازم إحنا نكون بعاد
مش مهم إيه الطريقه
حتى لو سافرنا بلاد.