بقلم أسماء فتحى

إزاى يا قلبى تسمح
لعينى إنها تدمع
هانت عليك دموعى
وحالتى تشوفها تحزنْ
والضحكة دايما تلمع
حتى سنانى تظهر
فاكرين إنى بكدة
من الفرحة هرقص
راسمه عيونى بالكحل
ورموشى سيف بيدبح
بس الحزن طفاها بدرى
وفى سن اسمه اليأس
ويطلع عندى ويقف
عند يدوب عشرين سنة
لو سمحت ممكن أبكى
ده البكا عندى سهل
وإيه أقدر أعملْ
ده أنا ماشية بالكدب
وليه يا قلبى تضحك
وإنتا فى الإنعاش دلوقت
زود صدمات للقلب
يمكن يرجعله النبض
وأوعى تتصدم لما
تشوف إشاعة قلبى
أصل ضلوعى إتكسرت
من كتر صدمات النفس
وخد قلبى وإلحمه
يمكن يرجع يحس
إحساس ضاع من زمن