بقلم : فرح هشام 




قبل بداية كلام مقالنا .. نُنعي بخالص الحزن والأسى الطفل ريان ونسأل الله أن يجعل مئواه الجنه و يرحمه برحمته الواسعه..

هنبدأ بإن بيظهر أشخاص كثيرة في حياتنا واحياناً بنتعامل مع الموضوع بجدية شديده واحياناً بيكون مجرد شخص عابر في حياتنا وهنا لازم ناخد بالنا الاتنين زي بعض ازاي !؟هنعرف دلوقتي..




بنتعلق كتير بأشخاص بنقابلهم في حياتنا ومش شرط تكون علاقات حُب .. احياناً صداقه.. احياناً ناس بنتعود عليهم ومبنبقاش فاهمين طبيعة علاقتنا بيهم ولكننا بنبقا عاوزينهم موجودين وبس..

تعبيرنا بكلمة “فترات” مش مجرد تعبير لفظي الناس فعلاً في حياتنا فترات .. ولو ركزنا احنا اصلاً في الدنيا فترات و بنمشي منها لأن دي الطبيعه الانسانيه و الحقيقة الوحيده في حياتنا.. ولكن هنا يستوقفنا فكرة اننا منزعلش لما حد يخلص فترته في حياتنا ويمشي.. الفراق اكيد صعب ولكن ناس كتير هنقابلهم في فترة من حياتنا .. فترة المدرسة ثم الجامعه ثم الشغل وكل فتره هيكون ليها ناس معينه و بيتغيروا مع الزمن والوقت..

اختيارك للناس شئ ضروري واساسي حتي لو فترات في حياتك لكن لازم يكون اختيار علي اساس سليم و مش اي اختيار لمجرد البُعد عن الوحدة.. حتي لو الناس في حياتنا فتره نحاول نخليها فترة حلوه نفتكرها بالخير وهنا لازم نقول ان نهاية العلاقه “نهاية الفترة” مهم جداً يكاد يكون اهم من تفاصيلها لأن دا الي بيدوم في العقل.. ولو انت فترة في حياة حد .. خليك دايماً الفتره الحلوة .