قصيدة حكاية_عصفورين لزينب_عزوز|صوت مصر
الثلاثاء 19-10-2021 20:40
بقلم زينب عزوز
فات من عمرى سنين وسنين
شوفت كتير وقليل عاشقين
قالتها الست
اه من سيرة الحب
كنا اتنين مر على حبنا سنين
وكنا صغيرين
تحت الشجر وافقين
نحكى يومنا بكل حنين
ضحكتنا ببراءة كانت
نظرة عيونا بتقول بكل صمت
هو دا الحب
خوف على شوق على لهفة
وكانت ما بينا خفة
بنجرى وسط الخضرة
ويا نسايم الهوا
كل دا واحنا سوا
لا فى يوم هجرنا ولا فارقنا
وهى دى كانت حكايتنا
وكبرنا سوا على طريقنا
وجات الصدمة وقفتنا
وقالت فى يوم: لازم نمشي
من يومها وانا مبنمشي
قالت متخفشي حبك
عايش جوه منى
راحت وسكنت المدينة
وبطبعها اثرت علينا
ودى كانت البداية
لنهاية الحكايةالحزينة
البنت عاشت وسط البنات
وبدأت تعمل فيديوهات
وعلى التك توك عرضت
وحواليها لمت
شباب من مختلف البلاد
من طبعى غيرت عليها
ومن كلامى سمعتها
لكنها نسيت حكايتنا
ورمت ورا ضهرها
ماهو دا طبع البعاد
لازم يكون غلاب
والست قالت
بعيد عنك حياتى عذاب
متبعدنيش بعيد عنك
وفى النهاية قفل الباب
ما هو راجل بيغير على حب عمره
قرر يحتفظ بالماضي
ونسي وجود الحاضر
قلبه اتكسر واتهجر
على حلم عمره
لكنه جبر
ونسي ما مر
واستمر بالامل يعافر
لحد ما قابل
ضي القمر
ملاك علي شكل بنوتة
حورية جاتله من الجنة
اول ما شافها سمه وصلي
احلى ما فيها قربها من ربها
لا فى يوم سابت فرضها
ولا فرطت فى عرضها
البنت دى عوضك من ربها
عاشوا متماسكين
وللنهاية مكملين
ودى كانت حكاية عصفورين