فرح هشام تكتب ” أشياء تؤدي إلى الوفاه” | صوت مصر نيوز

الثلاثاء 28-09-2021 14:51

فرح هشام

بقلم فرح هشام




لازم كلنا نعرف إن في حاجات كتيره اوي في حياتنا حلوه بس احنا بنستهون بيها مجرد النفس الي بتتنفسه برغم انه ممكن يكون في نظرك حاجه بسيطه ولكنه نعمه كبيره مش هيحس بيها غير الي بيعمل تنفس صناعي..
هنتكلم عن الناس الي بتنهي حياتها.. بحسب كلام الشيوخ الانتحار حرام شرعاً و مفيش جدال علي دا .. ولكن الجدال بيكون علي إيه اللي بيؤدي بالمنتحر الي انه ينهي حياته .. اي المشكله الي ممكن تكون بتخليه يختار انه ينهي حياته .. دا موضوعنا في هذا المقال..




اولاً: الاكتئاب:
فكره ان الشخص شايف انه كل حاجه في الدنيا اسودت في عينه واتقفلت في وشه و بيدور جواه سؤال واحد بس “انا عايش ليه ؟” ساعتها بيدور علي اجابه يمكن عند اهله يمكن عند صحابه يمكن في روتين حياته نفسه ولكن في ناس مبتلاقيش اجابه وفي نظرهم فعلاً حياتهم ملهاش لازمه وهنا احنا قولنا حلول قبل كدا وعملنا مقال كامل عن الاكتئاب تقدروا ترجعلوه علي جوجل.. ولكن اختصاراً لازم منستهونش بإن حد تعبان نفسياً ولا نوصفه بالمجنون لا هو حساس زياده ودا الي تعبه نفسياً فبيكون محتاج الدعم النفسي من الي حواليه و لو وصل الامر لدكتور يعالجه نفسياً عشان يتخلص من فكره الانتحار..

ثانياً : الشعور بالوحده
في كتير من الناس ممكن تنهي حياتها لمجرد انها حست ان ملهاش سند و الوحده قتلت جواها معنى الحياه بتضطر انها تنهي حياتها عشان تتخلص من شعور الوحده وعدم وجود ونس يهون عليهم يومهم وحياتهم..الوحده تؤدي الي الوفاه.

ثالثاً : ضغوطات الحياه وكثرت المشاكل
كلنا بنواجه مشاكل لكن في ناس بيبقا صعب عليها تستوعب كم المشاكل الي بتواجهه ف بتشوف ان اسهل حل للهروب من كل دا الانتحار وساعتها مشاكلهم هتتحل ميعرفوش انها كدا بتبدأ لأن ربنا للاسف ممكن ميسامحوش..

المنتحر مش شخص مجنون ولا كان نفسه يعمل كدا المنتحر شخص ملقاش فرصه للحياه او يمكن ملقاش حد او حاجه تعمل للحياه معني بالنسباله او واجه مشكله اكبر من استيعابه وساعتها ضعفه وقلة حيلته وصلوه لإن كل دا هينتهي بإنه ينهي حياته.. بلاش نهاجم الشخص المنتحر لأنك مش مكانه وياريت لو حسينا او عرفنا إن حد بيمر بمشكله نفسية نقف جنبه لاننا منعرفش تفكيره بعدها ممكن يوصله لإيه.

اضف تعليق