فرح هشام تكتب: ” هل فلوس تحميل برنامج التيك توك حرام ؟” | صوت مصر نيوز

الأحد 22-08-2021 20:33

بقلم : فرح هشام




انتشرت في الفتره الأخيره  روابط عن انك لو حملت ابلكيشن “تيك توك” هتاخد فلوس الي يقولك ٩٠٠ جنيه واللي يقولك ٧٥٠ وكأنه مزاد علي اكتر حد هياخد ذنوب.. بحسب كلام شيوخ ورجال دين إن الفلوس دي حرام.. طيب ليه حرام؟




هنا كانت الاجابه انها حرام لانك انت اولاً بتدعو لتحميل ابلكيشن مليان بحاجات كلها ذنوب ومعاصي وفيديوهات فيها بنات شبه عريانه و بتتصور مع اولاد في اوضاع مش كويسه وكل دا اصلاً هدفه الربح و الشهره.. تاني حاجه لأنك معملتش حاجه عشان يكون جزأها الفلوس دي وبالتالي انت كدا بتاخد حاجه مش من حقك لانك مشتغلتش مثلا بيها.




طبعاً “تيك توك” مش بتخلي الناس تاخد الفلوس دي لله لا الاستفاده اللي بتعود عليهم من تحميلك انت كمستخدم للابلكيشن من google play او App Store كبيره جدا غير انه كل ما عدد المشاهدات يزيد يكون في شهره اكبر للبرنامج و الناس الي بتبعتلك اللينكات او بتقولك حمل الابلكيشن غير انهم كل فيديو في ذنوب انت بتتفرج عليه هما بياخدو ذنب زيهم زيك.. انت بالنسبالهم مصلحه لانك لما تسجل في الابلكيشن باللينك اللي بيبعتوه هما بيجيلهم فلوس علي كل حد بيدعوه انه يحمل الابلكيشن وبيقبل.




والهدف الاكبر هنا ل “تيك توك” انه ميكونش في حد لسه التطبيق مزارش موبايله والدليل علي كلامي انه بيقولك شرط متكونش حملته قبل كدا عشان تاخد الفلوس.

الفلوس دي حرام!؟..اه حرام .. ياريت نبطل تقليد اعمى ونشر تافهات لان في حاجات اكبر حالياً تستدعي اننا نتكلم عنها زي افغانستان و زي الكتير من الحوادث الي بتحصل الايام دي وغيرها وغيرها .. وغير كدا كفايه نشر للذنوب.. عشان كل مقطع حد من الي قولتلهم يحملوا التطبيق بيشوفه انت هتاخد ذنوب زيك زيه.

 

اضف تعليق