بقلم : فرح هشام




كتير مننا بتيجي عليه فتره بيقول انه خلاص مش قادر يكمل وانه حتى لو عنده هدف شغال عليه بقى مش عايزه ومستعد انه يتخلى عنه طب ليه دا بيحصل واي الاسباب..
في حاله بتحصل لكتير من الناس و غالباً حصلت لكتير مننا وهي حالة الانهيار .. حالة الانهيار بتكون احساس داخلي جواك نتيجة تراكمات او اكتئاب من مواقف كتير حصلتلك بتخليك تيجي في وقت معين و تزعل زعل شديد جداً وممكن يكون ساعتها السبب المعلن للناس سبب الكل شايفه انه تافه او ميستاهلش كل الزعل دا بس الحقيقه بتكون ان مش بس السبب دا اللي مزعلك لا دا بيكون اكتر من موقف سابق حصلك و خلاص نفسيتك مش قادره تتحمل..




الحاله دي لو سيطرت علي الشخص للأسف بالفعل ممكن تخليه يسيب كل احلامه واهدافه و يقول انه خلاص انتهى ولكن الشخص الذكي هو اللي يقدر يتعامل معاها علي انها مجرد وقت وتعب بسيط وانه محتاج يفصل شويه بأي نوع من أنواع الترفيه ويواجه نفسه بالمشاكل اللي بتواجهه ويبتدي يفكر في حل ليها..
ولازم الشخص يكون عارف ان الناس كلها بيجي عليها وقت ويحصلها حالة انهيار و الانسان الذكي بيرجع منها اقوى واعقل و الاهم من كل دا انك لازم تواجه نفسك بمشكلتك الهروب مش حل ابداً و مفيش مانع ابداً لو استاعنت بأراء صحيحه من ناس مقربين ليك منها تبقا حكيت مشكلتك وفضفضت ومنها تبقا خرجت كل طاقة الزعل اللي جواك ويمكن تلاقي حل او الناس تلفت نظرك لشئ مكنتش شايفه وخليك دايماً فاكر “كل فتره طبيعي الانسان ينهار..عشان يرجع اقوى”.