فرح هشام تكتب.. “مهملون ولكن” | صوت مصر نيوز

الثلاثاء 04-05-2021 02:39

فرح هشام

بقلم : فرح هشام




مع زيادة اعداد حالات كوفيد-19 (كورونا) شايفين حالة كبيره من عدم الوعي في الشارع.. من حيث ان ناس كتير بتنزل مين غير كمامة.. وبتعمل عزومات.. و بتخرج وبتتفسح.. طبعا كل انسان بيزهق وبيبقا عايز يخرج و خصوصا ان العيد قرب ولكن..





بمناسبة ان العيد قرب لازم نفتكر مع بعض شوية حاجات ان الحالات عدت ال الف دا غير الي مش بيتسجل او اللي بيعزل نفسه في البيت.. وغير الي عنده ونازل وسط الناس عادي سواء عشان شغل او دراسة او غيره و في اللي نازل عشان يتفسح ومفكرش ان كدا بيأذي الناس وفي اللي مبيبقاش لسه عارف انه حامل للڤيروس لان الاعراض بتظهر بعد 14 يوم من الاصابة.




فتعالوا نتخيل منظر مستشفي وشخص مش قادر يتنفس و يا عالم المستشفي الي فيها في ظل وجود عدد اصابات كتير.. و كمان هيلاقي مكان لنفسه وادويه ولا لا كلنا طبعا شوفنا الهند بعد ما كان عندهم مناسبة ونزلوا احتفلوا ولا كان بيهمهم المرض وللاسف عدد الحالات عندهم وصل ل اكتر من 300 الف حالة في اليوم مفيش مكان في المستشفيات ولا في اكسچين للمرضي ولا علاج ولا حتى بقا في خشب ومكان يحرقوا فيه جثث الموتي علي حسب تقاليدهم.. بلاش نوصل نفسنا لحال منقدرش ننقذ نفسنا منه.. افتكر انك ممكن بعدم محافظتك علي نفسك و انك مستهتر بفكرة الكمامه و الكحول والتعقيم ممكن تكون سبب في مرض نفسك واقرب الناس ليك وخصوصاً لو عندك في البيت ناس كبار في السن او مناعتهم ضعيفة او عندهم اي امراض تانيه بتكون احتمالية انهم يعدوا من الكوڤيد ضعيفة.. ونتمنا قريباً نسجل صفر اصابات.. زي الصين اللي هي اول من بَعث المرض للعالم وحاليا مسجلة صفر اصابات.. و دا مش اتهام بالمؤامره لكن كان الافضل يقولوا للعالم ازاي سيطروا علي وباء زي دا بدل ما في كل دولة في العالم ناس بتموت يومياً ولسه مفيش مصل او دواء معتمد نقدر نقول انه ساهم في شفاء حد كله مجرد تجارب او للوقاية مش اكتر.. حقيقي كمان لازم يكون للحكومه دور اكبر من دا مش مجرد غلق للاماكن.. ممكن حظر لحد ما الاعداد تنزل في الاصابة والدراسة ترجع اونلاين لان الجامعات والمدارس هي اكتر الاماكن للتجمعات..والعمل يبقا من المنزل لو مش لازم نزول ودور الناس ان يكون النزول في الفترة دي للضرورة لان محدش بيحس بالخطورة ويرجع يقول يارتني ما نزلت غير بعد لاقدر الله اصابته بالمرض ونتمنا من الجميع اتباع الاجراءات الاحترازية والشفاء لجميع المصابين والمرضي.. و اللهم ارفع عنا هذا الوباء قريباً.

اضف تعليق