فرح هشام تكتب..”السوشيال ميديا تستطيع ان تحاسبك” | صوت مصر نيوز

السبت 05-12-2020 19:54

بقلم : فرح هشام

 




طبعا كلنا الفتره الي فاتت لاحظنا تأثير السوشيال ميديا في حياة بعض الناس بشكل ملحوظ ومنهم سيدة القطر و بائعة الترمس و باردو كان ليها تأثير كبير على فنانين زي محمد رمضان

السوشيال ميديا اتضح انها قادرة تظهر مشاكل الناس لو كل روادها اتجهوا حوالين نفس الموضوع زي موضوع بائعة الترمس الي المطره ممنعتهاش تنزل شغلها وساعتها قدرت السوشيال ميديا انها توضح مشكلتها و تم مساعدتها ببعض الإعانات و توفير سكن ودخل ثابت ليها ولاسرتها وسيدة القطر طبعا قبلها واللي اتوفرلها منصب كويس و الناس كلها اتكلمت عن الموقف المحترم اللي عملته مع العسكري..ومن قريب حصلت ازمة الفنان محمد رمضان والتي بسببها اتوقف عن التمثيل و اتوقف مسلسله الي كان هيشارك بيه في سباق رمضان عام 2021 ودا بسبب انتشار صورة مع اسرائيلين ع السوشيال ميديا وانتفض رواد السوشيال ميديا ضده حتى تم اصدار قرار وقفه ومنع مسلسله..حصلت بعدها مشكله لشاب صور ڤيديو و المفترض انه بيفضح بنت اسمها سماح يوم كتب كتابها و بيقول انه كان مرتبط بيها وبيصرف عليها والڤيديو دا انتشر والناس طالبت بمحاكمته بسبب تشهيره بالبنت بعدها الشاب دا طلع وقال انه بيهزر وانه نفسه يمثل مش اكتر وانه مكنش متوقع الي حصل دا قبلها بفتره بسيطه كان في سيشن تصوير لبنت ظهرت بلبس غير لائق في سقاره في سيشن حسب تسميتها انه بلبس فرعوني وانتشر السيشن والناس طالبوا بمحاكمتها بسبب لبسها وبسبب انها كمان اتصورت بلبس مخالف بدون تصريح و بالفعل تم القبض عليها و خرجت بكفاله والقضية لسه مستمره..
الشوشيال ميديا مبقتش مجرد مكان للتواصل او مكان نقدر نعمل شير فيه للي احنا عاوزينه لازم الناس كلها تعرف ان السوشيال ميديا حاليا لو انتشر عليها اي حاجة مخالفة صاحبها هيتحاسب وان مبقاش في حاجة اسمها انا حر دا حسابي وانشر عليه اللي يعجبني لان السوشيال ميديا مجرد انتشار شئ عليها اصبح من حق اي حد انه يتدخل و يحاسب لو الحاجة دي غلط..ياريت كلنا منحاولش نتشهر بطرق غير لائقة تتسبب في الحبس بدل الشهرة و الناس تفتكر دايماً ان التريند دا حاجة لحظية وبتتنسي اللي بيفضل الي عمل حاجة مفيدة وبسببها اتشهر.

اضف تعليق