بقلم فرح هشام




الشكل ولا الروح كتير مننا ممكن يكون بيصاحب الناس علي اساس شكلها او حد ممكن يحب حد عشان شكله ولكن..

مفيش حاجة اسمها شكله طيب او شكله محترم او شكله مش كويس.. خلينا نقول ان الحاجات دي عمر المقياس ليها ما كان الشكل وانك لو حكمت علي حد من شكله تبقا بتظلمه يمكن يكون شكله مش اد كدا بسبب ظروفه ولكن من جواه انسان كويس و محترم و ممكن يكون شكله حلو جدا ولكن تلاقيه صفاته كلها وحشه و متقدرش انك تستحمله او تتعامل معاه.. العشرة هي الي بتخليك تحكم علي اللي قدامك والتعامل معاه..




يعني مثلاً كام حد فينا اتقاله انا كنت فاكرك مغرور قبل ما اعرفك وتسال ليه يقولك بسبب شكلك مثلا في حين انه لما اتعامل معاك ممكن يكون غير وجهة نظره كلها اساسا..

رسالتي اللي حابة اقولها في حلقة النهارده ان الشكل مش مقياس ولا اللبس ولا اي حاجة من دول ممكن تخليك تحكم على اخلاق شخص او على صفاته و ممكن تلاقي انسان بسيط اوي في شكله ولكنه روحه حلوة و دمه خفيف و انسان فيه صفات حلوة كتير ممكن تكون مش موجودة عند شخص انت حكمت انه حلو من شكله في حين انك لو قربت منه ممكن تلاقيه من جواه مش زي ما كنت متخيل..

اعرف الناس كويس بالتعامل معاها مش بشكلها ولا باللي بتسمعه عنها اتأكد من اخلاق وصفات الشخص بنفسك مش بحاجات عمرها ما كانت ولا هتكون مقياس للحكم على اي شخص.

ونحاول اننا منحكمش على اي حد من غير ما نتاكد من انه فعلا كويس او لا بنفسنا مش بشكل ولا كلام عنه.