بقلم فرح هشام




يوجد الكثير من الصحاب في عالمنا منهم الصادق و الكاذب و المنافق و الجدع و لكن كيف يمكن تمييز الصاحب الجيد من الصاحب السوء…!!

عندما يكون الصاحب غير حريص على مصلحتك اكثر منك يكون لا يستحق صداقتك، عندما يكون هذا الصاحب يقلل من مجهودك و يغير من تقدمك لا يستحق قول لقب صاحب عليه، الصاحب الذي يسعى الى تدهور حالتك سواء النفسيه او الصحية او اخذك الى طرق غير صحيحة فهذا بعيد كل البعد عن مبدء الصحوبية.

ماذا تعني الصحوبية او كلمة صحاب؟!




طبعا زي ما إنتوا عارفين الواحد بيعيش و يتعلم …. بيتعلم من أهله … من قرايبه ….من المجتمع …وبيتعلم .من صحابه !! و خلي بالك إنت وهو وهي من كلمة “صحابه” دي.

عندنا في مصر إربتطت كلمة صحوبيه بكلمة “جدعنه و رجوله” المقصود بيها المواقف الحلوه المشرفه زي مثلا إنه يغششك في الإمتحان أو تغششك ..كده يعني! …أكيد بهزر!!

لأ بجد …يعني إيه صاحب؟ … هل كل واحد إنت بنتزل و بتروح وتيجي معاه …وبتكلمه في التليفون …صاحبك؟

ولا الصحوبيه معناها أكبر من كده ؟ هل الصحاب دول رقم في حياتك ؟ ناس بتقعد معاهم وبعد ما تحلص القعده خلاص!؟ هل الصحاب دول بالنسبالك مصالح مشتركه وبس؟!

الواحد مبيتعلمش غير لما بيجرب و يشوف بنفسه في حياته اليوميه و تعاملاته الحياتيه مع الأشخاص و الكلام الكبير ده.

للأسف إحنا إختصرنا معنى الصحوبيه في كلمة ” جدعنه ”
أو مش للأسف ! هي فعلا صحوبيه معناها جدعنه ! بس للأسف إحنا بوظنا معنى كلمة جدعنه.

كلمة جدعنة او صحوبية مش المعنى ده دى ليها معنى اكبر الصحوبية انك تقف جنب صحبك ! فى كل حاجة و تحت اى ظرف ,وانا جربت ده,صاحب يعنى واقف معاك فى كل ظروفك.

سواء كانت نفسية او من ضغط الحياة و هو اللي وجهك من غير مايكون عايز منك مصلحة او حاجة لكن علشان هو صحبك و عارف انك بيبقى عايز تتكلم بس مش عارف هو الصاحب ده بقى اللي بيحس بيك و هو ده الى المفروض تحكيله !

وهو ده معنى الصحوبية..

اختار صاحبك الي يحبك بجد ويسمعك ويكون حريص على مصلحتك،صاحبك الي تبقا متأكد ان لو العالم كله باعك هو هيفضل جنبك ومش هيسيبك، صاحبك الي يبعدك عن الغلط و يوجهك للطريق الصح، الصاحب الي دايماً يشجعك.

ابعد عن الي يحقد عليك، اللي يحاول يخطف منك اي نجاج ليك، اللي مش عايزك احسن منه،و دا علاجه انك متفتكروش اصلاً وعمره ما يستاهل يكون صاحبك.