كتبت : فرح هشام




الحقيقة الخيانه مش شرط تكون بين راجل وست بس لا في خيانه بين الصحاب وخيانه بين الناس حتى في معاملاتهم مع بعض اسباب الخيانه كتير ولكن خلينا نتكلم عن بعض الانواع زي الخيانه في العلاقات العاطفيه و الخيانه الزوجيه ودا النوع اللي بيجي في دماغ اي حد بمجرد انه بيسمع كلمة خيانه ودي اسبابها كتير زي عدم الاهتمام من طرف للأخر او كثرة المشاكل بينهم او ان طرف عينه زايغة شوية ودا غالباً بيكون الراجل في اغلب الحالات كل دي عوامل بتؤدي للخيانه.




كمان في خيانه بين الصحاب وهي انك تتكلم على صاحبك من وراه مع الناس بشكل مش كويس او انك تكون عامل نفسك بتحبه وانت اصلا بتكرهله الخير او انك تكون بتغير من نجاحه ومش عايزه ابدا يكون احسن منك كل دي حاجات تحت مسمى الخيانه في الصحوبية..

الخيانه كمان انه شخص يمثل عليك انك صاحبك وبيحبك و هو من وراك مصاحب عدوك ودي حاجة اغلب الناس بتعديها لكن المفروض ان صاحبك ميحاولش انه يقرب من اي حاجة بتأذيك لانها ممكن في يوم من الايام تأثر عليه فبالتالي هتأثر على علاقتكوا ببعض.




كمان في نوع من انواع الخيانه منتشر بين الناس الفتره دي وهو خيانه الثقة وهي انك تثق في حد سواء في انك تقوله على سر او انك تعتمد عليه في حاجة مهمة بالنسبالك او حتى انك تثق في حد في معاملة شغل بينكوا ولكنه للأسف ميطلعش اد الثقة دي و بكدا يكون اسمها خان ثقتك فيه و الموضوع دا بيختلف بطبيعة العلاقة بينكوا.

الخيانة ليها آثار سلبية على الي بيتعرضلها زي انه بيفقد الثقة في اللي حواليه وبيفضل يعاني فتره من زعل كبير جدا بسبب الموقف الي اتعرضله وكمان في ناس بتفكر انها ازاي تنتقم عشان ترجع حقها كل دي حاجات بتأثر بالسلب على الشخص الي بيتعرض للخيانه.