“خريف الطفولة”

الجمعة 10-11-2017 23:40

اطفال

بقلم اسماء فتحي

 

خريف الطفولة
وأبدأ ببراءة روحى
ياللى سرقتوها منى
وأرجع بالعمر لحظة
لأول مرة كان بيطلع سنى
وعيونى تشوف ضحكة
منورة خدود أمى
وأشوف أبويا وهُو
حاضن حتة منه
يلاعبونى بحنان وأنا
أضحك وعيونى تلمع
يلمسوا إيدى ويسرحوا
من نعومة كانت منهم
وألاقى أمنية من القلب
تقول يارب أرجع عيل
ده أنا كنت طفل
وعايش بضحك من قلبى
ويروح خريف الطفولة
لربيع شبابى المؤلم
وإنعدام رؤية نفسى
بسبب تراب فصل شبابى
وهوا خلانى أسيب
أحلامى تطير معاه وتسيبنى
وتلف أيامى وتدور
وأنا واقف مكانى
مستنى أتوبيس الزمن
يمكن يرجعنى لخريف طفولتى

اضف تعليق