بقلم أسماء فتحى

لوحة من البداية ناقصة
يدوب ورقة بيضة
مركون جنبها ريشة
وجنب الريشة ألوانها
تبدأ الدنيا ترسمها
مرة نبيتى ومرة كحلى
وتمزج الأحمر بالاسود
نص ألوانها تِفَرح
والنص التانى يِحَزن
يتقابلوا ويندمجوا فجأة
ويطلعوا ضحكة بدمعة
يشوفها الكل جنان
بس فى الحقيقة ده ميكس الألوان
ترسم العيون دهبية
والضفاير سودة بلمعة فضية
والشفايف تكون وردية
وسنانها اوف وايت
أما القلب ده حكاية
تشوفه دايما فى الضحكاية
وحزنه يطغى على العين
تيجى للإيد حنينة
وفى لمستها هيّنة
الدنيا كانت الفنان
اللى مسك الريشة والألوان