بقلم أسماء فتحى

ازاى أسيبك وأنتى
ضهرى وسندى وعيلتى
أمى وأبويا وأخواتى
وأنتى السكن والملجأ
حب العمر ليكى
دمى وروحى ملكك
عشان عيونك أسهر
بعيون صقر تحميكى
وإيه أهم منك
ده أنتى أم الدنيا
الكل عينيه عليكى
طمعان فى حتة منك
وأنا زيْيهم طمعان
بس فى حماية أرضك
شوفى شكلى فى توب جيشك
مقاتل ونسر من نسورك
بكل فرح أتباهى
إنى من حماة عرضك
عيونى تحمى لياليكى
عشان تنامى آمنة
وأسهر أنا وأخواتى
نغنى يا مصر مين قدك
ولو روحت سايبلك
باقى عيلتى تفديكى
أصلهم عارفين غلاوتك
فى قلبى وقلب غيرى