بقلم – اسماء فتحي

بإيد مين القرار
ليه ماليش حق الاختيار

تتكلموا بالنيابة عنى ليه
دى الروس متساوية من الناحيتين
بس عندنا محرومين
عنصرية الراجل واخدة حدها
والبنت عشان تكون محترمة
لازم تكون منكسرة
إنتا مالك يا عنصرى
داخل فى حياتى ليه
من حقك تقرر حياتك
حياتى انا مش بين إيديك
رافع راسك وماشى تبص
دى حلوة ودى نص نص
ولما تعجبك تروح لأهلها
ولما يسألوها تقولهم لأ
يعرفوا جيرانها يقولولها ليه
يا خايبة ده عريس باين عليه بيه
حسب ونسب وهيجيبلك دهب كتير
ترد تقول تعليمى يا طنط أهم
تتحشر تانى وتقول
تعليم إيه يا خايبة
أخدنا إيه من التعليم
إلحقى اتجوزى وهاتى عيال
قبل ما تكبرى وتعنسى
فاض بيها الحال ووصلت لقرار
قالت: أنا مش مستنية دهبك
ولا أنتا اللى بحلم بيه
أنا مش بيعه فى السوق
كل واحد يقول عليا كذا
ولا هتباع للى يجيب دهب كتير
الرحمة يا عالم ده أنا عندى كرامة
ومش هقبل بأى إهانة…..!