بقلم –  أسماء فتحى

وگحل عيونى الحزينة
بكحل الفرح يوم
وسيب عيونى تفرح
وتدوق طعم النوم
وتشوف رموشى دهبى
تضوى وقت الغروب
تنسينى ذل القريب
تحلى وشى الحزين
وأحط إيدى على قلبى
ألاقيه مرکب جناحين
طاير من كتر الفرحة
گإنه عيل عنده سنتين
ماسح دموع إمبارح
وعايش ساعات الحاضر
مادد إيده فى النور
برقه بيضحك ويخجل
من غزل الشمس ليه
ومبداعبة الهوا شعره
والأرض سانده رجليه
وحارساه خطوة خطوة
طال اليوم گإنه عمر
مجاش عليه الليل حزين
ولا بات يوم يبكى
مرارة القسوة والوحدة والظروف
ولا عرف دموع الذل ووجع الكل ليه
دعا ربه فى نفس اليوم
تنهى حياتى وانا مبسوط
يارب خلينى أقابلك
وأنا فرحان عشان جايلك
ولا أجيلك مهموم