كتب – شادي أسامة 

حوار مع محمد صديق
كابتن محمد البداية كانت ازاى ؟
انا بدأت ناشئ فى نادى المقاولون العرب وتدربت فى المراحل كلها وبعد كده طلعت الفريق الأول موسم 96 وعملت الحمدلله نتائج كويسه وثبت نفسى فى الفريق الأول فى المقاولون وكنت ساعتها فى المنتخب تدربت فى الناشئين وشباب وأولمبى وأول بعدها أنتقلت أحترفت فترة صغيرة جدا فى تركيا وكان معايا أيمن عبد العزيز فى الوقت ده وأخذنا كاس تركيا وبعد كده أنتقلت لنادى الزمالك ومن نادى الزمالك روحت للنادى الأهلى وبعدها النادى المصرى وبعد كده نادى المصرية للأتصالات وكان فى الوقت ده نادى المصرية للأتصالات فريق محترم وفريق كبير جابوا لاعيبة محترمة والحمدلله كان مشوار حافل بالبطولات والنتائج المرة لأى لاعب سواء فى النادي  الأهلى أو الزمالك .
ايه سبب رحيلك من الزمالك ؟
فى وقت ماكان عقدى بيخلص دكتور كمال درويش كان داخل أنتخابات 2005 وبلغته أن انا عقدى هيخلص السنة دى وقالى بالنص بالظبط أن أنا داخل على أنتخابات ومش فاضى للكورة فكنت مشوش وانا عندى أسرة ومتزوج وعندى أولاد وعندى أسرة تانيه بيتى وأخواتى فطبعا الواحد كان بيشوف أزاى يأمن مستقبله بشكل كويس وأزاى تكمل المسيره بدون أى ضغوطات وفى الوقت ده نادى الزمالك كان فى مشاكل كتير ادارية وتغير رؤساء أندية وتغير المدربين والحل الوحيد أن أنا أمشى ومشيت بعد الأنتخابات وكان المستشار مرتضى منصور فى الوقت ده مسك نادى الزمالك وأيض أستقدام لاعيبة دون المستوى وبعقود عالية جدا وانا عقدى بيخلص مع انى كنت من أقل العقود اللى كنت باخدها فى نادى الزمالك ورغم كده سكت حوالى أربع سنين لما جيت اجدد كانو بيجيبوا لاعيبة دون المستوى وانا و اللعيبة اللى كانوا معايا فى الوقت ده اخدنا بطولات كتير بطولات أفريقيا والكاس والسوبر والدورى وبطولات عربية وسوبر سعودى مصرى كان فريق كبير بالأحتياطى بتاعه ومالاقتش أى زيادة وكان الحل أن أمشى 
كيف بدأت مفاوضاتك مع النادى الأهلى ؟
صديق كلمنى هو صديق مشترك بينى وبين كابتن حسام البدرى طبعا أنا فى البداية أستبعدت الموضوع لأنى كنت خلاص أقلمت نفسى أنى فى نادى الزمالك ولكن لما بيبقا عليك ضغوط نقسية مش عارف تعمل ايه وطبعا شرف كبير لأى حد أنه يلعب فى النادى الأهلى وفى الوقت ده الأهلى أستقدم لاعيبة على أعلى مستوى أشترى بركات وأشترى أبو تريكة وأشترى لاعيبة كتيرة جدا و طارق السعيد وكان فى الوقت ده فيه لاعيبة كبيرة جدا فتوكلت على الله مع أنها كانت مغامرة كبيرة جدا وكان فى لاعيبه كتير فى مركزى فى الوقت ده لكن أنا مافكرتش يعنى انا برضه لما جيت أتنقلت لنادى الزمالك قالولى ده بشير موجود ومدحت وحسام عبد المنعم انا يعنى الحمدلله لما بروح اى مكان مابصش مين موجو انا ببص ابقا كويس فى المكان ده علشان أزود مستوايا فى وجود الناس دى 
فى أى مكان كابتن أحمد صديق من منتخب مصر ؟
انا حظى وحش جدا فى موضوع المنتخب ده يعنى انا لما أنضميت أيام كابتن محمود الجوهرى لما كانت فى المقاولون العرب طبعا انا اساسي الحمدلله فى المنتخابات كلها ولعبت ماتشات دولية كتير كان فى الوقت ده انت المفروض تتفرج على الناس اللى موجودة أنت بتتكلم فى هانى رامزى بتتكلم فى مدحت بتتكلم فى سمير كمونة بتتكلم فى عبد الظاهر السقا يعنى مدافعين على أعلى مستوى ماينفعش أن أنت تحجز مكان أساسى أو احتياطى حتى معاهم فكنت بروح طبعا مشاركات كده وديه كتير ومكنش ليا حظ فى الوقت ده لما روحت نادى الزمالك برضه حصل اصابات كتير فى الوقت ده روحت ايام جيرار جيلى دورة البحرين الوديه وروحت معاه كذا دورة وروحت معاه كذا دورة خليجية فى الوقت ده انا اتعورت كان الكابتن محسن صالح هو اللى ماسك منتخب مصر فى الوقت ده وانضميت كنا 11 لاعيب لاعيبة الزمالك كلهم فى الوقت ده فى المنتخب وكان مستر فنجدا فى الوقت ده هو مدير فنى لنادى الزمالك وروحت المنتخب وقبل بطولة افريقيا فى 2004 بالظبط انا برضه اتعورت وفى2006 روحت مع طاردل فى الفترة الأنتقالية مكنش فى وئام شوية كنت مركز مع المنتخب الأولمبى لما الكابتن حسن شحاته مسك انا عملت مستوى كويس مع نادى الزمالك ولكن الفترة اللى روحت فيها المنتخب حصل أنتقال ساعتها للنادى الأهلى فمكنش فيه أستقرار شويه فدخل هو بقا فى 2006 و2008 فهو ركز مع المجموعة اللى هى كانت موجودة ساعتها فبعتبر نفسى يعنى كان فى حاجات مكنتش كويسة كانت بتحصلى فى طريقى فى انضمامى لمنتخب مصر 
أيه هى أغلى بطولة للنادى الأهلى معاك ؟
اعتقد كاس العالم للاندية هى أغلى بطولة طبعا هى بطولة كبيرة والعالم كله كان بيتفرج عليها .
أيه أسباب رحيلك من نادى الأهلى ؟
يعنى انا راحة نفسية حسيت ان انا مش مبسوط فى الوقت ده مع انى انا كنت بلعب أساسى وقولت لمانويل جوزيه أن انا عايز أمشى وهو الراجل تفهم الموقف مع انه مكنش موافق أن امشى فى الوقت ده ورغم المدة اللى لعبت فيها فى النادى الأهلى مده قصيرة أنا سعيد جدا بالوقت ده أن أنا لعبت فى نادى كبير وجماهير عريقة وعنده أستقرار ادارى دايما عكس ماأتقال فى الفترة الأخيرة انى أنا نادم فلا طبعا وأنا بقول على لسانى محمد صديق أن انا شرف ليا أن أنا العب فى النادى الأهلى وشرف لأى لاعب مصر انه يلعب فى النادى الأهلى يمكن الأمور خلطها الشوائب شوية أنت نادم اه نادم على موقف معين حصلى فى النادى الأهلى لكن نادم على الانضمام واللعب لأ طبعا ده شرف لأى لاعب فى مصر انه ينضم للنادى الأهلى .

رايك في اداء الاهلي وفوز الخطيب بأنتخابات النادي الاهلي
طبعا فوز مهم طبعا وانا متفاجئتش طبعا للكابتن الخطيب قيمة كبيرة للكورة المصريه والنادي الاهلي بصفة عامة فطبيعى كابتن محمود يبقا فى مكانه الطبيعي رئيس للنادى الاهلي وانا اتمنى الازدهار ليه وعلي المستوي الشخصي اتمنى ليه كل التوفيق
رايك في فوز مرتضي منصور بأنتخابات الزمالك وأزمة هاني العتال
انا شايف الازمه دي سببها اعضاء مجلس الجمعيه العموميه لأعضاء النادي يعنى عارفين ان في مشكلة مبين هاني العتال والمستشار مرتضي منصور انت كنت جيبت بقا احمد سليمان رئيس نادي من وجهة نظري ياتجيب مرتضي