بقلم أسماء فتحى

مواطن معدوم :صباح الخير يا بيه

مسئول: صباح النور أقدر أخدمك أزاى
مواطن معدوم :ممكن أعرف ليه 
مسئول:هوا إيه اللى ليه
مواطن معدوم :ليه كل شوية تيجوا عليا ليه مش بتفكروا فيا رفعتوا الأسعار بدل الضعف أضعاف وقولت الله المستعان بقيت بشوف الأكل بعد أيام وقولت الله المستعان بس رضيت بأمر الله
ليه؟؟؟؟ ليه بتيجوا عليا بس إزاى أتعود لما أتعب ملاقيش علاج أو حق الكشف اللى كان بالمجان ليه مفكرتوش فيا وفى اللى زيى ولا إحنا من السجلات محذوفين
مسئول:والله أحنا طبقنا القانون وماشيين بيه وحضرتك تقدر تشتكى وإحنا هنشوف نقدر نساعدك إزاى
سيب شكوتك عند السكرتيرة بره.
مواطن معدوم :بصوت كله خوووف من بكرة ومن الظروف حاضر يا بيه هسيب شكوتى عندها ومعاها لرب اللى زيى وزيك
مواطن معدوم :لو سمحتى يا بنتى
السكرتيرة:تبص على المعدوم بصة قرف وتقول_ أتفضل
مواطن معدوم :البيه اللى جوا قالى أكتب الشكوى عندك
السكرتيرة:لأ اتفضل أكتبها عند مكتب الشكاوى وقدمها
مواطن معدوم : حاضر يا بنتى تشكرى
السكرتيرة: تبتسم للمعدوم أبتسامة سخيفة كلها إهانة وتقول بصوت واطى بنتك ها???????????? أنا أبقى بنتك انتا!!!!!!!
مواطن معدوم : يارب أنتا اللى عالم بحالى حتى العلاج حرمونى منه وإزاى أتعالج وأنا محتاج القرش لعيالى مصاريف وأكل وتعليم وهحاول أدبر فلوس لعلاجهم
يارب أزاى أفكر فى علاجى وأسيب عيالى محتاجين حاجة حارم نفسى من الأكل والشرب وحتى اللبس وأخدوا حقى فى العلاج????????????
يارب فين عمر وفين عدل عمر كان مبينامش وحد مظلوم ولا حتى ناقصه أكل ولا شرب يارب عبادك تعبونى اللى بيقولوا دول مش شبهنا أحنا دايما فوق وهما تحت رجلينا بقوا دايما داخلين فى صراع علينا مين يحطم أكبر عدد منا أحنا المساكين
يارب بقينا فى طاحونة الأغنيا يجمعونا ويرمونا جواها بقلب بارد يطحنونا فين الضمير يا ظلمه فين حقنا اللى كلتوه لحد ما أكلتوا حقنا فى العلاج
بس الدنيا بتلف وتدور وبكرة يجى عليكوا الدور
وتشد كراسيكم بالدور وتبقوا أفقر من الفقرا
أصل الظلم بيتاخد حقه مرتين مرة فى الدنيا وده قريب والتانية فى الآخرة وده عذابه كبييييير.